“बुद्धको जन्मस्थल लुम्बिनीको चेतनास्तर र ऊर्जा नै फरक छ”

संवाददाता
२ जेष्ठ २०७९, सोमबार १७:३०

भारतीय प्रधानमन्त्री नरेन्द्र मोदीले नेपालस्थित गौतमबद्धको जन्मस्थल लुम्बिनीको ऊर्जा र चेतनास्तर नै फरक भएको बताएका छन् । उनले आज २५६६ औँ बुद्ध जयन्तीको अवसरमा आयोजित कार्यक्रमको सम्बोधन गर्दै यस्तो बताएका हुन् । ‘जहाँ गौतम बुद्धले जन्म लिएका थिए । यो स्थानको चेतना स्तर र ऊर्जा नै फरक छ,’ मोदीले भने, ‘यहाँको चेतना स्तर र ऊर्जा अन्य स्थानको भन्दा फरक र उच्च छ ।’

यस्तै उनले बुद्ध जन्मस्थल लुम्बिनी आउन पाउँदा खुसी लागेको बताएका छन् । ‘मैले सन् २०१४ मा महाबौद्ध वृक्ष रोपेको थिए । त्यो आज बढेर ठुलो वृक्ष बनिसकेको छ । यो देख्दा मलाई खुसी लाग्यो,’ उनले भने, ‘चाहे पशुपतिनाथ होस वा मुक्तिनाथ होस । वा जनकपुरधाम वा लुम्बिनीमा जब जब नेपाल आउँछु । नेपाल आफ्नो आध्यात्मिक आशीर्वादबाट मलाई कृतार्थ गर्छ ।’

यसमा तपाइको मत

Your email address will not be published. Required fields are marked *


*